berriak

Errendimendu proben bideoak

ERBELen indar eta erresistentzia handiagoak erakusten dituzten erleak hautatzen ditugu, ezti errendimendu handiagoa ematen dutenak eta mantsoagoak. Probalekuetan testak egitean, erregina ugaltzaileen errendimendua eta portaera erakusten duten datuak hartzen ditugu, ondoren hautespena egiteko. Testatzaileek jakin dezaten segimenduak behar bezala nola egin jakin dezaten, zenbait bideo ekoitzi ditugu azaltzeko nola egin behar dira errendimendu probak eta nola jaso datuak.

Erreginen intseminazio ikastaroa

Uztailaren 20 eta 23 bitartean Jakob Wegener izango da hemen, erreginen intseminazio instrumentalean aditua bera. Alemaniako Landerinstitut fur Bienenkunde erle institutuan aritu izan da Wegener lanean, eta nazioarteko aditua da erreginen estalketaren inguruan.

Apis mellifera iberiensis bertako erlearen babesa

ERBELen jakitun gara gure erlea nolako hibridazioak jasaten ari den kanpoko erleen erruz eta horrek nolako arazoak ekartzen dizkieten erlezainei. Erlezain horiek beren gogoz kontra gertatzen dira ezaugarri txarragoak dituen erle hibridatuekin lan egitera edo erregina hibridatuak aldatueta horrek dakarkien gastua beren gain hartzera.

ERBELen 2022ko Genetika eta Hautespen jardunaldien bideoa (3/4)

Hirugarren bideoan, « Comportamiento reproductivo de la abeja ibérica » izenekoan, ERBELen Hobekuntza Programako koordinatzaileak, Egoitz Galartzak, azaltzen du uda honetan nolako behaketak egin dituzten erregina iberikoen estalketa hegaldietan, eta xehe deskribatzen du erreginen ugalketa portaera.

ERBELen 2022ko Genetika eta Hautespen jardunaldien bideoa (2/4)

Bigarren bideoan, Melanie Parejo doktoreak ematen du hitzaldia, Genomic Resources Groupeko doktoretza-ondoko ikertzaileak (UPV/EHU). Izenburua du « Validación del control de los apareamientos mediante análisis de paternidades », eta bertan Parejok azaltzen du nolako pausoak ematen diren erregina eta erlamando hautatuen estalketen kontrol gradua ziurtatzeko eta homologatzeko ERBELen estalketa estazioan.
Bideoa gaztelaniaz dago.

ERBELen 2022ko udazkeneko jardunaldiak

Aurten, ERBELek antolatzen dituen Erlezaintzako Genetika eta Hautespen jardunaldiak azaroaren 19an eta 26an izango dira, segidako bi asteburuetan.

Zer dakigu erregina birjinen estalketaz?

Erleen ugalketa gertaera konplexu eta partez ezezaguna da. Erreginaren bizialdian behin baino ez da jazotzen. Jaio eta lehen egunetan, ar batzuekin estaltzen da, eta, horrela, behar den adina espermatozoide biltegiratzen du espermatekan. Erreginak bere bizi osoan erabiliko du esperma hori, behar ahala, obuluak ernaltzeko eta erle langile eta erreginak sorrarazteko. Hala, Apis mellifera espeziearen emeak diploideak izango dira (bi kromosoma sailekin osatutako indibiduoak), eta erlamandoak, berriz, obulu ez ernalduetatik datozenak, haploideak izango dira (kromosoma sail bakarrekoak). Erreginak behin baino gehiagotan estaltzen dira erlamandoekin; erlamandoak, ordea, monogamoak dira, eta kopulatu eta gero hil egiten dira.

Europako ezti-erleen diagnostiko genetikorako tresnak

Ezti-erleak (Apis melllifera) ekosistema anitzetan daude, zenbait eboluzio-leinutan eta gutxienez 30 subespezietan banatuta. Europan aniztasun horren zati handi bat dago, eta subespezie endemiko ugari ditu lau leinutan banatuta: Afrikakoa (A), Europa Erdialdeko eta Ekialdekoa (C), Europa Mendebaldeko eta Iparraldekoa (M) eta Ekialde Hurbileko eta Asiako Erdialdekoa (O). Hala ere, giza jarduerak pixkanaka murriztu egin ditu bai Europako ezti-erleen dibertsitate genetikoa eta bai haien lurralde naturala. Hain zuzen ere, erreginen merkataritza eta inportazioa eta distantzia luzeko transhumantzia dela medio, dagoen beldurretako bat zera da, ingurunera egokitutako ezti-erle autoktonoen populazioak murriztu edo galdu egingo direla, autoktonoak ez diren erleengatik ordezkatuak edo hibridazio hutsagatik. Frogatuta dago ingurunera egokituta dauden ezti-erleek irauteko gaitasun handiagoa dutela. Beraz, erleen hazkuntza sustatzea garrantzitsua da erleak epe luzera iraungo badu.