Joan den urteko udazkenean jardunaldiek nolako arrakasta izan zuten ikusita, aurten ere hitzaldiak antolatu ditugu erleen genetikaz eta hautespenaz, baina aurten, COVID-19a dela eta, on line izango dira. Azaroaren 21ean eta 28an.
Erle langileen eta erlamandoen aurreneko laginak dagoeneko igorri ditugu Eurofins Genomicsera (Danimarkara) analizatuak izan daitezen: 54 lagin langileenak eta 42 erlamandoenak. Langileen kasuan, toraxa erabili da lagin gisa, eta erlamandoen kasuan, antenak.
Hobekuntza Programa batean, ernalketaren kontrola da etaparik garrantzitsuenetako bat. Ganorazko Hazkuntza Programa batek gauza izan behar du balio genetikoetan oinarrituta eta gurasorik onenak hautatuta, amarik onenak dituzten erregina birjinak amarik onenak dituzten erlamandoekin ernalarazteko. ERBELek bi modu ditu ernalketa horiek kontrolatzeko, Intseminazio Instrumentala eta Estalketa Estazioa. Orain berriki, ernalketa naturala berme genetikoz gauzatzeko, ERBELGEN Proiektua jarri dugu martxan.
Hautespen Programaren barruan nahi duguna da bizkortasun eta erresistentzia handieneko erleak hautatzea, ezti ekoizpen altuenekoak hautatzea eta erlerik mantsoenak hautatzea. Horretarako, ERBELeko bazkideek banatutako erreginei testak egiten dizkiegu banku-probetan, erreginen errendimenduen datuak jasotzeko. Datu hauek, Alemaniako LIB institutuan tratatu ondoren (Beebreed), hautespen balioak jasotzen ditugu, eta hauetan oinarrituta egiten da hautespena.
Azaroaren 23an, jardunaldi irekia izanen dena, honako hitzlariek hartuko dute parte: Andone Estonba, EHU/UPVko Genetika Katedraduna; Gilles Fert, erlezain eta erregina hazle profesionala; eta Mikela Untsain, erlezain profesionala. Egun berean ERBELek egiten duen lana ere azalduko da, eta bere Hazkuntza Programaren xehertasunak eskainiko dira. Bukatzeko, hitzlari guztiek kontserbazioa eta hautespenari buruzko mahai inguruan parte hartuko dute.
ERBELek 30 bazkide inguru ditu, eta 2019an erreginen beste banaketa bat egingo du haien artean. Lehenengo aldiz, bazkide guztiek izango dute erreginak jasotzeko aukera. Gutxienez bederatzi erregina jasotzea gomendatzen da, baina 6 edo 12 ere eskuratu ahal izango dira.
Bertako erle arrazaren aitorpen ofiziala lortzeko bidean, ERBELek bultzatuta, Espainiako Estatuko erle hazleen elkarteen federazio bat sortzeko asmoarekin, lantalde bat sortu da, 2019ko urtarrilean, Zaldibian egindako bilera baten ostean.